女人好易老...

係殘酷社會打滾幾年之後, 遇過無數風風雨雨, 柴狼野獸...
最近突然驚覺自己「老態」左好多... 真係 TMD 長大了...


由女人仔成長為大女人, 關鍵轉捩點就係「睇清現實」...

係人都知靚仔、唔花心、有心又有金、永遠將情人放在第一位而仲未比女人mark 實既男人根本唔存在.
如果你唔介意深入大學校園去揾的話, 可能會比你揾到潛質股既~ 
趁潛質男未受污染, 早 mark 早享受丫嘛~


同時, 男人頂唔順有要求既女人而轉向嫩妹亦已經唔係咩新鮮事.
身邊亦曾經有幾個三十到尾既男人比女狠飛之後, 都好快係劈場溝左d 嫩妹返黎, 仲拿拿聲趁嫩妹入世未深, 要求尚低時, 求鬼埋婚~

嫩妹有青春肉體彈性肌膚, 見既世面唔算多, 比較容易滿足, 好簡單就表現得好開心, 就算生日送個 miu miu 銀包仔都唔會黑鬼你面, 仲好鬼sweet sweet 咁post 相上 facebook 多謝老公 bb 豬咁抵錫. 滿足哂男人既虛榮心, 唔洗成日比人爆鑊金.

男人們唔好以為我玩針對, 其實呢味野無話邊個岩邊個錯既~ 各取所需姐~



一個廿幾三十歲既女人, 會寧願花時間經營感情, 而唔係遊戲人間.
到左呢個唔上唔落既年紀, 其實都係想揾到個價值觀相近, 可以互相扶持既人; 如果你既心唔定, 不甘寂寞, 想繼續做情聖, 咁就無謂成日開口埋口話自己好想 settle down 想結婚...


係呢個慾望過剩但感情缺乏既年代...
想揾個人乾柴烈火一夜春宵好容易, 相反想揾個伴拖手散步只談心唔談金/ 身真係好難....


現實太殘酷, 女人好易老.
揾到好男就真係 mark 實唔好走寶.

Read More...

像我這般的一個女人

大女人之鍊成
非一朝一日


跟很多精神病患者一樣，
病發總有原因。

一個開始，
一個轉捩點，
一個老土而真實的故事。

小女孩情深深雨濛濛看多了，以為世上男人都像瓊瑤筆下男主角一樣，深情款款，妳儂我儂，山盟海誓，Forever Love...
可惜真實世界哪有完人，賤男卻隨手可得。


先是情竇初開暗戀同班運動健兒，附出真心卻差點被騙色又騙心。
幸力無不失，賤男得個吉。


其後，女孩遇上鄰班樂天男，性格陽光彷彿無害。
Puppy love 維持二年多，最後可笑地發現當初的情深小男友已變成絕世大滾友。
滾友愛上 Cyber 的熱妹與墜落，迷幻尖咀日與夜。
而女孩還以為純真 Guys night 真的存在，於相處二年後才發現被騙一年真相。
天真得可憐，無知得絕望。

以為傷痛可以使我成長，卻不幸遇上花心劈腿男。
真心再次破碎，天真從此絕跡。


失望可以使你沮喪
但絕望卻令我堅強


信男人不如信自己。
唯有令到自己變強，強到不怕再受到傷害。
那我就不怕愛情了。


我很’硬頸’，
我很要強，
我不要輸給賤男們，
沒有你們，我活得更精彩!


多年訓練令我女強人的形象很成功，成功得以為自己也百毒不侵，刀槍不入。
可惜，在愛情上卻百病纏生。



一段感情可以只要快樂，不要憂愁嗎?


我是很挑剔，挑剔得彷如強迫症一樣。
容不下有缺憾的愛情。

我認我自私。我沒安全感。
我怕受到傷害。
我寧願做先開口說分手的一方，也不要做被遺棄的一個。


逃避總比面對容易。

面對一個有問題的感情，我的做法是放棄它。
找另一段新的感情去填補缺口。

因為我輸不起。
但卻漸漸失去自己。



靈魂空虛，愛無能。
如輪迴一樣，問題永無止息。

其實，大女人一直都好想可以當個小女人，
但卻找不到那可以依靠的大男人。


尋尋覓覓，
唯一令自己有安全感的...
就是繼續當個大女人。

強裝瀟灑活下去。

Read More...

重生

下定決心，拾筆重生。


多年未有心有時間去再開網誌，一個字 - 懶。
直至開始籌備婚禮，才令我重拾打網誌之心，閒時分享待嫁心情事。
幸得網友支持欣賞，令大女人如我亦有捧場客，短短半年間竟有十四萬人次到訪，實在驚喜。


與其只是分享待嫁之事，何不將所見所聞，日常生活事都分享一下呢?


再不瘋狂，我們就老了。
吃喝玩樂，游走天下，風花雪月，敢愛敢恨；
決心比任何人都要過得更精精彩彩，不回望不後悔。

做個開心大女人，嫁個最好大男人。



大女人心直手快，隨意表達，隨心發文。
只求在此滿足文字慾。 



你若不離，我定不棄。

今日正式開始重生。
歡迎八掛觀看。

Read More...